Sense and Sensibility

Ny tolking av Jane Austen sin store klassikar.

Den nye filmatiseringa av den hylla klassikaren til Jane Austen pustar nytt liv i den rørande forteljinga om Dashwood-systrene, i ei tidlaus historie om kjærleik, søsterskap og forventningane i samfunnet i England på slutten av 1700-talet. Etter at faren døyr, mistar familien både heimen og den økonomiske tryggleiken. Mrs. Dashwood må ta med seg dei tre døtrene sine til langt meir beskjedne kår på landsbygda. I ei tid der kjærleik, velstand og sosial status er tett vovne saman, må dei unge jentene ta kloke val for å sikre framtida til familien. «Sense & Sensibility» er regissert av britiske Georgia Oakley («Blue Jean»), og på rollelista finn vi Daisy Edgar-Jones, George MacKay, Caitríona Balfe, Stacy Martin, Frank Dillane og, ikkje minst, vår heilt eigen Herbert Nordrum!