Herborg Kråkevik: Helsing Herborg

Vi vandrar saman med Kråkeviks songbok – Herborg Kråkevik trio på turne med stopp på Nordfjordeid 2. september.

Helsing Herborg er ein intimkonsert med innslag frå Kråkeviks songbok, Edith og eg, Herborgs verden og songar frå årets sesong av Hver gang vi møtes på TV2. Herborg kjem med heile sitt register av inderlege tolkningar av norske songbokskattar til uvørne/uærbødige parodiar og uventa tolkningar av moderne popmusikk. Med seg har ho pianisten Helge Lilletvedt/ Tove Kragset og Torbjørn Økland på gitar og trompet.

For nokon av oss er det songar og bilder me har vokse opp med og er glade i, for andre er det nyoppdagingar, men med Herborg som vegvisar gjennom konserten er me sikra å bli kjærleg kjende med skattane. Ho vil også få oss til å syngja saman og gje oss ei oppleving av noko me eig i lag. 

Herborg Kråkevik er ein allsidig songar og skodespiller, særlig kjend for sine tolkningar av norske songer og viser fra det klassiske norske sangrepertoaret, samt for store sceneroller og elleville parodiar. Herborg er eit «scenedyr» med store roller frå teateret og mange sjølvlaga forestillingar og cabaretar i bagasjen. Me kan lova ein musikalsk og verbalt underhaldande kveld. Vi gler oss til Herborg kjem til Operahuset Nordfjord for aller fyrste gong.