Henning Kvitnes

Henning Kvitnes & Gutta i Bandet: «Mens jeg ennå er 66» 

Det går kort tid mellom ung og lovande – og levande legende. 

Om denne utsegna kan brukast på Henning Kvitnes er usikkert, men etter 47 år på vegen og uteljelege album, turnear, konsertar, og sjølvskrivne songar, så har han i alle fall ei klar midtbanerolle på Old-Boys-laget til Norske Sangpoetar.

Mange av songane, som til dømes Evig eies, Sånne som oss, Guttær, Ut å vekke sola og Siste Reis har blitt folkeeige blant fleire generasjonar, og blir sunge av mange i bryllaup, fest og gravferder. Og i dusjen.

Med nytt album under vesten, reiser Henning & Gutta ut på ein omfattande turne i 2025. Både album og turné har fått namnet «Mens jeg ennå er 66». Etter songen med same tittel, som kom ut 13. mai 2024, på nettopp 66-årsdagen til Henning.

På scena får publikum møte ein artist og eit band som vågar å gå inn i djupet av både nye og eldre songar. Gje songane resepekta og energien dei fortener, og lar også det lavmælte og akustiske få ein nødvendig plass i konserten. Tekstane får også lov til å vere i fokus, for å tydeleggjere Henning sitt vesle univers. For å glede og gjerne bevege eit sitjande og lyttande publikum. Men det blir også plass til rockefot, allsong og frieri.

Melankoli og smilefjes med svette panner i skjønn foreining. «Utan publikum stoppar musikken»

På scena: 
Henning Kvitnes – song og gitar
Jon-Willy Rydningen – piano og andre tangentar
Finn Tore Tokle – bass og kor
Tor Hauge – trommer
Eivind Ystrøm Petersen – gitarer, pedal steel, kor mm
Håvar Bendiksen – gitarar og andre strengar, kor
Mats Raknerud er vikar for Håvar på enkelte jobbar

Følg Henning på: Facebook Instagram

Rullestol? Kontakt post@operahuset.no 

Representerer du ei bedrift, institusjon eller eit lag som ønskjer billettar på faktura? Kontakt oss på post@operahuset.no.