Carte Blanche: Insight

av Heine Avdal and Yukiko Shinozaki

Korleis kan dans gje oss innsikt i korleis vi navigerar livet i samspel med andre?

Vi lever i ei verd som rivast i saumane – prega av konflikter, motsetningar og kaos. Kvart steg framover møter motstand. Kvardagen er i konstant forhandling, med eit håp for framtida.

I Insight utforskar Heine Avdal og Yukiko Shinozaki det skiftande forholdet mellom individ og fellesskap.

Fellesskapet i Insight er skjørt, fleksibelt og i stadig endring. Dansarane beveg seg i eit system som aldri står stille, der merksemd, rytme og relasjon må forhandlast frå augneblikk til augneblikk.

Framsyninga hentar inspirasjon frå trådleik som ein inngang til å utforske korleis vi opnar og lukka oss for andre. I trådleik flettast skjøre mønstre mellom hender. I Insight ser ein korlseis små gestar er med på å skape ein større heilheit. Resultatet blir til gjennom samspel og merksemd. Drar ein for hardt, bryt figuren saman; held ein for laust, glepp den. Kvar bevegelse er med på å forme heilheita, slik kvar sitt val i ei gruppe påverkar fellesskapet.

Koreografane kallar det her å bevege seg som ein demokratisk kropp – ein praksis der kvar enkelt har betydning i kraft av korlsies dei påverkar heilheita.

Korleis kan ein bevege seg utan å øydelegge for kvarandre?

«Denne framsyninga er ein del av Carte Blanche sin vestlandsturné. Vestlandsturnéen er delfinansiert av Vestland fylkekommune.»

Om Heine Avdal & Yukiko Shinozaki

Heine Avdal og Yukiko Shinozaki har base i Brussel og Oslo. Sidan begynnelsen av samarbeidet i 1996 og seinere gjennom kompaniet fieldworks har dei skapt over 25 forestillinger som er vist i meir enn 30 land.

Saman utforskar dei performativitet som eit porøst og bevegelge samspel mellom bevegelse, lyd, bilde og teknologi. Arbeidet deira hentar impulsar frå eit bredt spekter av disiplin og skaper samansatte uttrykk kor dansen utvidast til ein arena for utforskning. Med følsomheit for både det organiske og det kunstige viska dei ut grenser – og skapar rom der nye betydningar kan oppstå, i det stille eller helit uventa.

I kjernen av deira kunstneriske virke ligg eit ynskje om å utforske kroppen sitt forhold til omgivelsane på nytt, og å invitere publikum inn i denne kontinuerlige oppdagelsesprosessen. I 2025 mottok dei Heddaprisen for until, som hadde premiere på Dansens Hus i Oslo.