Bjørn & Bjarte, den tøffe og den sarte

To av Noregs mest folkekjære kunstnarar, Bjørn Eidsvåg og Bjarte Tjøstheim, slår seg samen for ein heilt spesiell turné. Med ein unik kombinasjon av varme, humor og musikalsk kvalitet, inviterar dei publikum til ein kveld fylt med både latter, undring og ettertanke.

Eidsvåg og Tjøstheim har kjent kvarandre i fleire år. Dei har tøysa og tulla saman i Radioresepsjonen, og Bjørn har vore gjest i Bjarte sin TV-serie Presten, der han mellom anna spelte ein lettare forfylla utgave av seg sjølv. 

No slår dei saman krefter, vidd og det lille dei har av visdom, i ei felles framsyning. Det skal vitsast og herjast, men dei skal og gjere eit forsøk på å reflektere over små og store spørsmål, undring er dei gode på. Begge har ein kyrkjeleg bakgrunn, begge har kjent på tru og tvil, og begge veit korleis det er å ikkje strekke til. Dei er både tøffe og sarte, og ikkje minst gode på å felle nådelause dommar over seg sjølve. Samtidig jakter dei på nåda, på nokon som kan tåle dei som dei er.

Publikum kan forvente seg ei framsyning fylt med latter, musikk og ettertanke. Eidsvåg sitt eminente band vil sørge for musikalsk tyngde, og Tjøstheim vil også bidra med sine rytmiske ferdigheitar. Om det blir oppbyggjeleg og sjelesettande, veit ein ikkje, men kjedeleg blir det definitivt ikkje, til det er framsyninga for kort.