Hans Majestet Kongens 3. Gardekompani

Operahuset Nordfjord er stolte over å presentere Hans Majestet Kongens 3. Gardekompani fredag 22. mai i operasalen. Som ein del av Noregsturnéen vil Musikktroppen halde ein festkonsert med variert repertoar og innslag frå Drilltroppen.

Hans Majestet Kongens Garde si mest profilerte og kjende avdeling er utan tvil 3. Gardekompani. Kompaniet framstår i dag som ei rein parade- og oppvisningseining, med underavdelingane Musikktropp og Drilltropp. I nærare 50 år har musikk- og drillgardistar representert HM Kongens Garde, Forsvaret, og ikkje minst Noreg på ein særleg god måte. Avdelinga har med sin særeigne karakteristikk og kombinasjon av drill og musikk hausta stor suksess i både inn- og utland. Kontingenten består i år av 120 vernepliktige soldatar. 3. Gardekompani kjem til Operahuset 22. mai som ein del av sin Noregsturné. Her vil Musikktroppen halde ein festkonsert med variert repertoar og innslag frå Drilltroppen.