9 to 5: The Musical

Nytt år, ny musikal!

Eid vidaregåande skule har gleda av å presentere årets musikal, «9 to 5: The Musical»! 

De dreg kanskje kjensel på tittelen? Det gjer de med god grunn! Låta «9 to 5» vart fyrst skrive til filmen med same namn. Filmen vart seinare skrive om til musikal med premiere i 2008. Den verdskjente artisten og låtskrivaren, Dolly Parton, har ikkje berre skrive låta «9 to 5», men alle tekstar og melodiar til songane i musikalen.

I «9 to 5: The Musical», reiser vi til 1979, og får oppleve historia om tre kontrastfylte kvinner som blir pressa til bristepunktet av sjefen på kontoret. Sjefen, Mr. Hart, brukar makta si på feil måte, noko som endar med rottegift, kidnapping og nye tider for alle. 

Musikalen er blitt sett opp mellom anna på West End og Broadway, og no får de oppleve den i Operahuset Nordfjord, omsett til norsk. De vil få oppleve nydeleg og variert musikk, framført av elevane våre, saman med fire dyktige musikarar. Her dukkar det opp alt frå lett country til store musikalnummer. 

Vi har som mål at de i salen skal tørke tårer både av morosame og rørande scener. Kan hende dukkar det plutseleg opp nokre latinske rytmer òg!

Øvingane er byrja, og vi skal stå på 24/7 for å gje dykk «9 to 5»!

Vi gler oss!

Rullestol? Kontakt post@operahuset.no

Representerer du ei bedrift, institusjon eller eit lag som ønskjer billettar på faktura? Kontakt oss på post@operahuset.no

9 TO 5

The Musical

Musikk og tekst av Dolly Parton
Manus av Patricia Resnick

Basert på 20th Century Fox-filmen
Originalt produsert på Broadway av Robert Greenblatt, april 2009
Denne amatørproduksjonen e presentert etter avtale med Music Theatre International
Alt autorisert framføringsmateriale er også levert av MTI www.mtishows.co.uk