Sulis 1907

Året er 1907. Gruvebyen Sulis i Nordland var Norden sitt svar på Det ville vesten, og kopargruvene i den arktiske fjellheimen var blant dei største og mest nådelause.

Atten år gamle Konrad er desperat etter arbeid og får jobb i den livsfarlege gruva Hanken. Det er brutale kår for arbeidarane, og forholda blir ikkje betre når den kyniske Olof Wennström kjem til makta i gruveselskapet. Det blussar opp til opprør og den sosialistiske aktivisten Helene Ugland maner til kamp. Kapitalisten Wennström har likevel andre planar. Midt i konflikten står unge Konrad. Sulis 1907 er inspirert av verkelege hendingar, og skildrar opptrappinga til opprøret som endra Noreg. Det er eit storslått drama frå Nils Gaup (Veiviseren (1987), Kautokeino-opprøret (2008), Birkebeinerne (2016) mm.) med stjerneskotet Otto Fahlgren og Simon J. Berger kjent fra Exit i hovudrollene. I andre leiande roller finn vi blant andre Stig Henrik Hoff, Alexandra Gjerpen og Rune Temte.