Skjebneval i USA
Foredrag i kinosalen med Eva Bratholm og Joar Hoel Larsen
Arrangementet er fullt!
Stad bibliotek og Operahuset Nordfjord inviterer i samarbeid med Vestland fylkeskommune og Folkeakademiet Sogn og Fjordane til eit møte med dei to tidlegare USA-korrespondentane, tre veker før valet!
Nordmenn er opptekne av valet i USA, men mykje er vanskeleg å forstå. Dette gjeld både valsystemet, og korleis kulturelle og sosiale tilhøve verkar inn på veljarane.
Presidentvalet kjem til å bli dyrare og bitrare en nokon gong, denne gongen blir det kanskje også det viktigaste: Er demokratiet trua? Kan det bli borgarkrig? Eller er folkestyret så solid at det uansett vil vinne over alvorlege politiske kriser og djupe sosiale splittingar?
Mange amerikanarar har erfart at medan løna har stått stille, har prisane auka jamt og trutt. Veljarane gjev dei folkevalde skulda, og politikarforakta er rekordhøg. Dei to store partia står langt frå kvarandre og det politiske klimaet i Washington DC er kjøligare enn på lenge. Det er nok av saker å gripe tak i: Helse og skule, illegal innvandring og sjølvbestemd abort, internasjonalt samarbeid kontra “America First”. Kven er best eigna: ei svart kvinne, visepresident Kamala Harris, eller ein kvit mann, ekspresident Donald Trump?
Denne gongen er det likevel mange som meiner at sjølve det politiske systemet er trua og at demokratiet står på val.
Alt dette og meir kastar vert det kasta lys over, og bidreg til at vi er litt meir opplyste når valet går av stabelen 5. november.
Arrangementet er fullt!
Arrangementet blir i kinosalen. Gratis, men med billettbestilling.
Opplev meir!
Vi anbefalar filmen The Apprentice på Stad kino her i operahuset søndag 20. oktober kl. 19.30 og dagkino måndag 21. oktober kl. 13.00! Filmen fortel historia om korleis ein ung Donald Trump starta egendomsverksemda si i New York på 1970- og 80-talet, med ei hjelpande hand frå den berykta advokaten Roy Cohn. Billettar og info: operahuset.no/the-apprentice
USA-bøker står utstilte på Stad bibliotek her i operahuset! stadbibliotek.no
