Flygelkonsert Kjetil Mulelid

Flygelkonsert med Kjetil Mulelid

Torsdag 1. september kl 20.00

Pianist og komponist Kjetil Mulelid frå Hurdal har etablert seg som ein ung innovativ artist ved å blande sjangrar som jazz, salmar og fri improvisasjon.

 

Vi hadde gleda av å oppleve han i Siril Malmedal Hauge band, på Gymmen-konserten i mars. Mulelid fekk då prøve Fazioli-flygelet i operasalen og vart svært begeistra for det unike instrumentet. Vegen var kort til å avtale solokonsert, der publikum får sitje på scena saman med musikaren. 

 

Musikken vi får høyre på konserten er vakre og harmoniske komposisjonar som pianisten sjølv har skrive, som blir forma intuitivt med omhug, gjennom hans improviserande og spontane spelemåte. Med eit ønske om å fortelje ei historie i kvar musikalske strofe, behandlar Mulelid kvar låt som eit tomt lerret, og målar med sine melodiar og ein naturleg rytmisk flyt i det leikande spelet.

 

Etter å ha turnert store deler av verda og gitt ut fleire kritikarroste album med sin eigen pianotrio og kvartetten Wako, har no ein av Norges nye store jazzpianistar markert seg også som solopianist. Kritikarane er svært begeistrea for solodebutalbumet, utgitt på det prestisjetunge plateselskapet Rune Grammofon, med sitt rykte for å handplukke noko av det mest interessante innan skandinavisk musikk.

 

Mulelid sin trio har blitt svært positivt omtala i magasin som «The Wire» og «The NYC Jazz Record», og blei av Jez Nelson kåra til «Best of the year" i den britiske radioen Jazz FM. Pianisten har også lansert ei rekkje godt mottekne album med prosjekta sine Wako og Kjemilie, og har spelt og arbeidd med mange etablerte musikarar som Arve Henriksen, Jason Moran (US), Barry Guy (UK), Siril Malmedal Hauge og Bjørn Marius Hegge.

 

Sagt om Kjetil Mulelid: 

"Balansekunst. Musikken hans tør å være romantisk i den ekspressive betydningen av ordet, uten at det grenser mot popballader" - Morgenbladet
"I disse korona-tider hender det at jeg plukker fram Keith Jarretts «Köln Concert» når livet føles for «trasig» og ensomt. Men nå får den godeste Jarrett sterk konkurranse fra Kjetil Mulelid, for det han serverer på «piano», er usigelig vakkert og optimistisk, og musikk som går rett i hjerte og sjel i disse dager.” - Jan Granlie, Salt Peanuts
"I møte med Kjetil Mulelid er romantikken sjelden langt unna. Han har utpreget sans for god melodi, men er hakket mer wergelandsk enn welhavensk i formen. Det gjør musikken hans god å lytte til. De improvisatoriske avstikkerne hans setter nerve i de kompositoriske linjene. Den uanstrengte flyten i spillet gjør musikken hel." - Arild R Andersen, Jazz i Norge
"Flygelets hemmelige verden” - Audun Vinger, Dagens Næringsliv

"Særdeles klangfullt og vakkert” - Jazznytt

"Hinsides vakkert" - Deichmanske musikkblogg

 

Les, høyr og sjå meir om Kjetil Mulelid her

  

Publikum sit på scena under konserten. Billettane er unummererte.

Konserten varer i om lag ein time, ikkje pause. 

 

Billettprisar inkl avg: 
Ordinær 250 kr

Barn/ungdom/student 150 kr

 

Representerer du ei bedrift, institusjon eller eit lag som ønskjer billettar på faktura? Kontakt oss på post@operahuset.no.

 

DATO TID TITTEL PRIS SENSUR BILLETT
to 01 sep 20:00 Flygelkonsert Kjetil Mulelid 250 Kjøp