Parasitt

Parasitt

Hurra - vi er glade for å kunne opne opp kinosalen for litt fleire! Vi legg fortløpande ut nye kinoframsyningar i vekene framover, tilpassa gjeldande smittevernsreglar. Vi gler oss veldig til å ta i mot deg, men husk at du sjølvsagt må vere frisk frisk når du kjem! Er du sjuk eller har symptom på sjukdom, held du deg heime. Vi set fram antibac ved inngangane og ber deg om å bruke dette både når du kjem og i det du går.  

 

 

 - Du må kjøpe billett via nettsidene våre eller eBillett-appen. 

 - Billettane er unummererte. 

 - Du må registrere namn og kontaktinfo for å få gjennomføre kjøpet, og ved ein eventuell smittesituasjon kan opplysningane dine bli delt med smittevernmyndigheitene. 

 - Publikum skal sitte med minimum 1 meters mellomrom, det tilsvarer to tomme seter sidelengs og på skrå bakover/framover.

 - Personar frå same husstand har lov å sitje saman.

 - Kinoverten hjelper til med plasseringa i salen, og har mynde til å flytte på publikum for at 1 meters-grensa skal haldast. 

 - Vi har plass til 28 publikummarar på kvar visning.

 

Følg også Stad kino på Facebook for oppdateringar! 

 

 

OMTALE: 

I PARASITT møter vi ein familie på fire som bur i ei nedsliten kjellarleilighiet i byen. Utsikta er ei glipe på gateplan mot eit smug der bedrukne karar har for vane å late vatnet. Med varierende hell tjuvlånar dei internett frå etasjen over, og for å få mat på bordet pakkar dei pizzaesker for ei restaurantkjede i nærleiken. På trass av samholdet og kjærleiken til kvarandre, er det ikkje stort til liv. Etter eit besøk frå ein venn av sonen i familien, openberer det seg med eitt ei gyllen moglegheit, ein veg ut av elendet. Familien grip sjansen med begge hender.

 

Etter ynskje frå regissøren skal ikkje meir av handlinga røpast her, dette er ei oppleving som nytast best utan å vite for mykje på førehand.

Parasitt er ein sjangerleik av dei sjeldne, og saumlaust slyngast ein mellom varm humor, iskald thriller, familiedrama og samfunnssatire. Samtidig styrer den unna alle konvensjonar og klisjear, slik at filmen umogleg kan settast i bås. Gjer deg klar til ei filmoppleving utan sidestykke!

 

 

Parasitt stakk av med sigeren i kategoriane Beste film, Beste regi, Beste fremmedspråklige film og Beste originalmanus, og har tidlegare også henta med seg den gjeve Gullpalmen heim frå filmfestivalen i Cannes. 

 


«Sylskarpt skrevet, ufattelig kul og tilstrekkelig ekkel – alt du trenger, og mere til » FilmMagasinet, terningkast 6
«En av årets desidert beste filmopplevelser » Subjekt, terningkast 6
«Fenomenal og full av overraskelser – fortjener å vinne Oscar » 730.no, terningkast 6
«En helt unik opplevelse » Nordlys, terningkast 6

«Et mesterverk – genial og uimotståelig » Aftenposten, terningkast 6
«En fryd å være med på » NRK Filmpolitiet, terningkast 5

 

 

Lengde: 2 t. 12 min.

Aldersgrense: 15 år
Begrunning: Enkelte blodige draps- og voldsskildringer gjør at filmen får 15-års aldersgrense.
 
Norgespremiere: 31.01.2020
Originaltittel: Gisaengchung
Sjanger: Drama, Thriller
Manus: Kim Dae-hwan, Bong Joon-ho
Produsent: Bong Joon-ho, Jang Young-Hwan, Moon Yang-kwon
Foto: Hong Kyung-pyo
Musikk: Jung Jaeil
Nasjonalitet: Sør-Korea
Originalspråk: Koreansk
Produksjonsår: 2019
Distribusjon: Arthaus